Бахаилік ұйымын басқарушы орталық «Бүкіләлемдік әділет үйі» деп аталады. Бұл орталық Израилдегі Хайфа қаласында орналасқан. Ол орталық басқару үйін 9 кісі басқарады. Оларды әлемдегі «Ұлттық рухани мәжіліс» мүшелері тарапынан бес жылда бір рет жасырын түрде сайлайды. Барлық іс осы ұйымның қолына беріледі. Ұйымның негізгі міндетінің бірі бахаи сеніміне қатысты заңдар мен ережелерді шығарады және күрделі де қиын мәселелерді шешеді. Ұйымның шығарған заңдары мен ережелерін қабылдаудан бас тартқандар теріс пиғылды, бүлікшіл әрі құдай өсиетінен бас тартушы болып саналады. Екінші деңгейлі ұйымның атауы «Ұлттық рухани мәжіліс» (республикалық деңгейде). Бұл ұйым бахаилердің миссионерлік әрекеттермен қызмет атқарып жүрген мемлекеттегі Бахаилер орталығы. Ол орталық та 9 кісілік мүшелер тарапынан басқарылады. Ондағылар сол мемлекеттегі «Жергілікті рухани мәжіліс» (облыс, қала, аудан деңгейінде) ұйымдары жіберген делегаттар арасынан сайланады. Әр рухани мәжіліс өз аймағына қарасты мәселені жіті бақылауы шарт. Үшінші ұйымды «Жергілікті рухани мәжіліс» орталығы дейді. Облыс, қала, аудан мен ауылдарда 21 жасына толған бахаилер саны 9 немесе одан да көп болса, жыл сайын Рыдван мейрамының 1-ші күні (21 сәуір) өз делегаттарын жіберу арқылы сайлау өткізіп, бахаилерден 9 кісіні мүше етіп бекітіп, жергілікті рухани жәжіліс мүшелігіне тағайындайды. Қазіргі кезде Израилдегі Хайфа қаласынан кейінгі маңызды орталықтың бірі Америкадағы Чикаго штатындағы Вильмет қаласындағы орталық ұйым[1]. [1] Fığlalı Ethem Ruhi, ж.к.е., 215-бет;

fatua.kz