Бірінш орын

Мүшәйраға «Дін діңгегі ғаламның» тақырыбына         

Өте шығар баянсыз мына жалған,

Жапырағы жастықтың құлап алдан.

Егер пасық напсіге ерік берсең.

Аулақ бола алмайсың  күнәлардан.

Ойланып бас әр қадам басқаның да,

Мәңгі күнің күлмейді аспаның да.

Бітпейтіндей бұл дәурен сезілгенмен,

Аяқталып кетеді қас-қағым да

Шаттығынан өмірдің мұңы басым,

Сан түрегеп орныңнан, жығыласың.

Ақиқаттың  жолынан адасады ,

Танымаған пенделер құбыласын.

Алмағайып дүние тербетілген,

Адамдықтың айныма келбетінен.

Бес парызын орындап жаратқанның,

Несібеңді жинай біл  жер бетінен.

Аллаға сен үзбе әсте  күдеріңді,

Тақуалық шыңасын    жігеріңді.

Арпалысқан нәпсілік күрестерден ,

Таза  ұста кірлетпей  жүрегіңді.

Зұлымдардың қосылма қатарына,

Жамағаттың айналып осалына.

Пайғамбардың болайық үмбетінен

Ақыреттің дайындал сапарына .

Шәхадат пен кәлима  жанға дауа,

Онсыз болмас ғұмырыңда бар мағына.

Ағат кетсең бұл қоғам аямайды,

Кешірімді мейрімді Алла ғана.

                                                              Шұғайып Ақынұлы