Терең су еш қашанда ылай болмас,

Тас мүсін жалынғанмен құдай болмас.

Тамырын терең жайған емен ағаш,

Оп-оңай итергенмен құлай қоймас.

Ағын су ағып жатқан арам болмас,

Бисмилла, айтылған ас  харам болмас.

Адамның, досы жалғыз Алла ғана,

Дос, атап жүргеніміз адал жолдас.

Өмірлік жар дегенің олда жолдас,

Дүние қоңыз, ләззатқа болатын мас.

Жазатайым табаның тайып кетсе,

Жаттан артық өзіңе болады қас.

Жаза бассаң адамның бәріде қас,

Білерім адамзаттан  дос табылмас.

Дос іздесең Аллаға құлшылық қыл,

Пендесіне жалғыз дос, Алла айнымас.

Жалғыз достың жанынан табылайық,

Амал жасап күнәдан арылайық.

Пенделіктің  пердесін жұлып тастап,

Қолдайгөр деп, Аллаға жалынайық.

Пайғамбар шын, Алла жалғыз деп түсініп,

Адам деген атыңа бол ылайық.

Жатқанбаева Күншайм Ниязбек қызы.

ардагер ұстаз.

Шығыс қазақстан обылысы, Ұржар ауданы, Мақаншы ауылы.