Талдықорған тұрғындарын, маңдай терін төгіп өз қолдарымен тұрғызған,

Иман, мешітінің ашылыуымен құттықтап,өлең арнаймын

Жаңа өмірде, жарқырап жаңа мешіт,

Мұсылманға, айқара ашты есік.

Алаулаған жүзінде қуаныш бар,

Адамдар сабылуда Алла десіп.

Табалдырық аттаған жан ойланады,

Өмірін босқа өткен ойға алады.

Ұлттық, нақыш өрілген қабырғалар,

Көшіп келген керуендей ой салады.

Өрнектелген аятпен көркі қандай,

Жадыратып жаныңды атқан таңдай.

Қуаныштан жайнаған елдің жүзі,

Тірлігінде бейішті көрген жандай.

Бұл қуаныш елімнің берекесі

Көптен күткен қуаныш мерекесі.

Имандылық,  ұялап жүрегіне,

Бақытты боп сөгілмесін ел іргесі.

Жатқанбаева Күншайм Ниязбек қызы.

ардагер ұстаз.

Шығыс қазақстан обылысы, Ұржар ауданы, Мақаншы ауылы