Кешір Алла білмесімді тілерім,

Сынағыңа шыдамай,өкпеледім жүдедім,

Кешіре көр әлсіз мына пендеңді,

Сынақпенен шынайтыныңды білмедім.

Қасіреттен қарс айырылды жүрегім,

Бәріненде баз кешіп түңілумен жүремін

Қайғы−қасірет бір адамның басында,

Әділетсіз құдай деп қиналғанда тілдедім.

Сенің қатал сынағыңды түсінбедім,білмедім

Жылағаннан аз болған соң тіршілікте күлгенім,

Бәрін сүйіп жылау деген үлкен бақыт екен ғой.

Жақсылықпен− жамандықты таразылап білгенің.

Жақсылықпен− жамандықты таразылап жүрегім,

Қандай қымбат арпалысып бір күн өмір сүргенім

Аз ғұмырдың ішінде асығыс істер көп болар,

Қызықтың құны қиындықпен өлшенерін білмедім.

Еңсем түсіп езілді талай жүрегім

Қилы қилы ісіңе төзе алмай жүдедім,

Мейіріміңді төге салдың бір күні

Кірі кетіп көңілдің,шомылып нұрға түледім.

Аллаһ сенен талай тілек тіледім

Жүз құбылған пенделердің бірі едім,

Кешір Аллаһ құдіретіңмен сендірдің

Орындалып келеді әрбір айтқан тілегім.

Қазіргі өмір қарап тұрсаң ғажайып,

Сауаты көп сауатсыздар азайып

Халқымызды надан дедік кезінде,

Білімділер көп бүгін енді нені жазайық.

Оқымаған надан болған халқымыз,

Бірақ біздің сақталған еді салтымыз.

Ұл әдепті, қыз ибалы, келін тұрды сызылып

Сондықтанда үстем болды басқалардан нарқымыз.

Ұл ержетсе елге қалқан,үйге тіреу болады

Қыз ержетсе келін болып ауылға ырыс оралды,

Ата –әже кемеңгер басқаратын ауылды

Қабағымен нұсқалып жасалатын жоралғы

Жаратпаса тыржиып білдіретін белгісін,

Ұлмен келін жөндейтін шалалығын арғысын

Үлкендердің айтқаны шығарылған заңмен тең

Бұлжытпай соны орындап алатұғын алғысын.

Шеткеріге шығармай жеткізген жетім жарлысын

Оң таққызған тексеріп итіндегі қарғысын,

Бүгін біздің қариялар қариялар үйінде

Қайтіп берсін ол байғұс аузы барып алғысын.

Надан емес ал қазір білімділер елде көп,

Бір –бірімізге сілтейміз қисығыңды жөнде деп,

«Баланы бастан»−деп қазақ бекер айтқан жоқ екен

Қайсы жолмен, қай тілмен қалай енді жөнделмек.

Қисық ағаш қашанда қисық болып тұрады

Тезге салсаң егерде морт болады сынады,

Айтып –айтпай не керек біз кешіккен болармыз

Құдай деген халыққа бұл Алланың сынағы.

Білімділер көп болса елге түсер шуағы,

Білімді ана көп болса нағыз ерді туады

Сана бердім ми бердім,білім бердім деп ертең

Білімділерге түседі Алланың үлкен сұрағы

Алла алдына баратын ең ақырғы тұрағың,

Тыңдамасқа шараң жоқ алдыңда жатқан сұрағын.

Ұрпағымыз адасты біреу емес екі емес,

Білімді болсаң жол көрсет ұрпағыңа шырағым.

Оқымай надан болсақта адаспаған халықпыз,

Ашық күнде адастық, мойындасақ анық біз

Еш болғаннан кеш жақсы емеспізбе ер қазақ

Қараңқыда жол тапқан көкірек көзбен жарықсыз.

Жатқанбаева Күншайым Ниязбекқызы 

ардагер ұстаз