Уа алейкумассалам арба айдаған,
Құлап қалып арбасынан ойбайлаған.
Халыңды естіп бұл күніме шүкір еттім,
Əн салып жер қалмады мен бармаған.

Аманба аяғы жоқ, көзі жоқ зағип адам,
Адам жоқ деп ойлаушы едім, менен жаман.
Екі қолым жоқ болсада басқасы бар,
Екеуіңді көргенде тəубə қылам.

Үш сорлы неғып тұрсың бұл арада,
Кереңмін менен жауап сұрамада.
Аяғым сау, көзім сау қолымда аман,
Сендерге қарап, шүкір еттім бір Аллаға.

Тілім жоқ, көзі барға нұсқап айтам,
Керең мен соқырларды ұстап айтам.
Өздеріңдей кемтарды көрген сайын,
Тəуба қылып жаратқанға алғыс айтам.

Неткен жан, мұндай күйде тəуба деген,
Дəн риза барына Алла берген.
Өзінің, құл екенін шын түсініп,
Жақын болып бара жатыр Алламенен.

КУНШАЙМ ЖАТҚАНБАЕВА