https://www.facebook.com/taglym

    Этот адрес электронной почты защищен от спам-ботов. У вас должен быть включен JavaScript для просмотра.      

Бейнамазға

20 Feb 2016 0 comment Оқылды: 1474 рет

 

Жандарбек Бұлғақов
Белгілі айтыскер ақын, бірнеше республикалық айтыстың жүлдегері, «Алтын домбыра» иегері, 1991-жылдың 25-сәуірінде дүниеге келген.

 

Жүргенмен дана кейпінде,
Адасып əлі келесің,
Ассаламуғалейкумге,
Сəлем деп жауап бересің.

Намазхан жанды тілдейсің,
Тыйылар əсте кезің жоқ.
Бір ауыз аят білмейсің,
Дін жайлы бірақ сөзің көп.

Той болса төрге шығасың,
Асыңды жейсің таңдаған.
Мешітке жақын тұрасың,
Алыссың бірақ Алладан.

Анекдот айтса сандырақ,
Тыңдайсың мəз боп күлісіп.
Уағыз айтылса ал бірақ,
Қарайсың шекең тырысып.

Күмəнмен қарап келесің,
Алладан түскен хаттарға.
Имандай бірақ сенесің,
Газеттер жазған ақпарға.

Тəубе қылатын шамаң бар,
Бұйырсын Хақтың жұмағы.
Сен жек көретін адамдар,
Сен үшін дұға қылады.

Пікір жазуға мүмкіндік алу үшін сайтқа өз атыңызбен кіріңіз