Аса қамқор, ерекше мейірімді Алланың атымен бастаймын! Әлемдердің раббысы Аллаға сансыз мақтаулар айтамыз. Екі дүние сардары, Алланың сүйікті құлы әрі елшісі Пайғамбарымыз Мұхамедке (с.ғ.с) салауат-сәлемдер, қияметке дейін ізгілікте Оның (с.ғ.с) артынан ерген барша мұсылмандарға Алланың рахымы, мейірімі, кешірімі болғай!

Алдынғы дәрістерімізде Аланның жаратқаны құлы, адамзаттың бастауы болған  Адамнан (а.с) бастау алған сәлемдесу тарихы мен үлгісін айтқан болатынбыз. Ассаламуғалейкум-Уағалейкумассалам – яғни, Алланың сәлемі болсын-Сағанда Алланың сәлемі болғай деген секілді ізгі дұға, сәлем сөзі мұсылманшылықты ту еткен дана Қазақ халқының да сәлемдесу үрдісі болып қалыптасты. Осы тұста Қазақ халқында Алланың сәлемін жеткізіп, алысқаннан кейін, қол алысып, құщақ жайып, қал-жағдай сұрасу, ру сұрасу әдеті, салты бар. Және де сонымен қатар, жат жеткіншектерге немесе балаларға үлгі тәрбие өзегі ретінде әртүрлі сұрақтар қойылып жатады. Мысалы: «Жеті атасын білмеген – жетімек» деп туған тегін сұрауы, сенімін, дінін сұрау. Солардың бірі: 

–Ассамуғалейкум

–Уағалейкумассалам, молда (үлкен діни дәреже) бол балам!

–Мұсылмансың ба?

–Иә, мұсылманмын.

–Қашаннан бері мұсылмансың?

–Әлімсақтан бері мұсылманмын 

-деген сияқты тәрбиелік мәні бар сұрақ-жауап үлгісіндегі ұрпақ тәрбиесі, сенім тәрбиесі.

Әлімсақтан бері мұсылманбыз деген Қазақ халқы ежелден жаратушы бір Аллаға мойынұсынып, мұсылмандықты ұстана білді. Әлімсақтанбері мұсылманбыз деулерінің мәніәрине тегін емес, сыры тереңде. 

«Әл-мисақ»  – Құран Кәрімнен білуімізше:Алла Тағала қияметке дейін өмір сүретін барша адамзат баласын сапқа тұрғызып:

– Мен сендердің Раббыларың емеспін бе? – деп сұрайды.

Олар:

– Әрине, «Сен біздің жалғыз Раббымызсың» деп куәлік береді.

Осылайша адам баласы Аллаға серік қоспай, құлшылық етуге уәде берді. Бұл уәдені халық арасында «әл-мисақ» деп атайды. Сол себепті қазақ «Қашаннан бері мұсылмансың?» – деген сұраққа, «әл-мисақтан (әлімсақтан) бері мұсылманмын» деп жауап береді.

Әл-мисақ араб тілінде «ант берген күнді» білдіреді. Алламен болған осы сұхбатты «Рухтар әлемі» деп атайды.

«(Мұхаммед Ғ.С.) сол уақытта Раббың адам балаларының белдерінен нәсілдерін алды да өздеріне куә етіп: «Мен, сендердің Раббыларың емеспін бе?» – (дегенде,) олар: «Әрине куәміз» деген. Қиямет күні: «Бұдан хабарымыз жоқ» демеңдер» (Ағраф: 172). 

Аллаға шүкір, біз «әл-мисақтан» бері мұсылманбыз. Еліміз аман, жұртымыз тыныш болғай!

Алакөл ауданы, Достық ауылы,

«Ақ-мешіт» мешітінің имамы:        
Абдыкаримов Мақсат Нұрмұратұлы