Рахымды мейірімді бір Алланың атымен бастаймын!

Барлық мақтаулар мен мадақтар әлемдердің раббысы бір Алла Тағалаға болсын, салауаттар мен сәлемдемелер пайғамбарымыз Мұхаммед Мұстафа (صلى الله عليه وسلم)-ға болсын.

Мүмін дінде қуатты (яғни, дінді мықты ұстайды). Жұмсақ бола тұрып – табанды, иманда – тұрақты, білімде – ынталы, талапта – сабырлы, ғылымда – саналы, байлықта – үнемді, кемтарлықта – шыдамды, ынта-тілекте (яғни өзіне бір нәрсе талап еткенде) – ұялшаң, кәсіпте – адал, басқаруда – белсенді, құмарлыққа елікпейді,  әрекет еткенге – қамқор болушы. Мүмін өзін күндегенге жәбір көрсетпейтін, Алла Тағаланың құлы. Жақсы көргенге және аманатқа қиянат етпейді. Күндемейді. Масқаралап, даттамайды және тіл тигізіп лағынеттемейді. Өзіне қарсы болса да растықты мойындайды. Жалған ат қойып мазақ етпейді. Намазда-сабырлы, зекетте – жомарт, күйзелісте байсалды да байыпты, молшылыққа шүкір етуші, барына қанағатшыл. Мүмін бөтеннің нәрсесінен  дәмеленбейді және дөрекеліктен аулақ болады. Бірақ жақсы іс істеуін қаласа, оған жоқшылық кедергі бола алмайды. Мүмін адамдармен жақсы қатынаста болып, ақылға қонатын сөз айтады. Алла Тағаланың қамқорлығына лайық болу үшін зұлымдық пен қысымшылыққа сабыр етеді. 

Әбу Һурайрадан (Алла оған разы болсын) жеткен хадисте: Алланың Елшісі (صلى الله عليه وسلم) : «Мүмін – мүміннің айнасы және бауыры. Мүмін бауырын шығынға ұшыраудан сақтап, абыройын қорғайды» - дейді.

Ибн Омардан (Алла ол екеуіне разы болсын) жеткен хадисте: Алла Елшісі (صلى الله عليه وسلم): «Мұсылман - мұсылманның бауыры, нағыз мұсылман бауырына озбырлық жасамайды, оны сатпайды. Кімде-кім мұсылман бауырының қажетіне жараса, Алла Тағала оның қажетін өтейді. Кімде-кім мұсылман бауырының қайғы-мұңын сейілтсе, Алла Тағала оның қиямет-қайымның  бір қайғысынан құтқарады. Сондай-ақ кімде-кім мұсылманның айыбын жасырса, Алла Тағала да қиямет күні оның айыбын жасырады, - деп айтты.» - делінген.

Әбу Һурайрадан (Алла оған разы болсын) жеткен хадисте: Алла Елшісі (صلى الله عليه وسلم) «Мұсылманның мұсылман бауырының алдында бес міндеті бар:

Қорытындылай келе, Алла Тағала шынайы мүмін-мұсылман бауыр болып, татулығымыз бен ауызбіршілігімізді арттырсын. Осы сипаттарәрбір мүмін-мұсылманның бойынан табылсын. Әмин!

Ақылбеков Марлен

Талдықорған қаласы, «Жетісу» мешітінің ұстазы