Қасиетті Рамазан айы мұсылман жұртшылығы үшін ең берекетті ай саналады. Себебі, Жаратушы иеміз қасиетті Құранның «Бақара» сүресінің 185 аятында: «Рамазан айы – адамзатты тура жолға бастаушы,айқын дәлелдерді һәм ақиқат пен жалғанның ара-жігін ажырататынөлшемдерді қамтыған қасиетті Құран түсе бастаған ерекше ай. Араларыңнан кімде-кімРамазан айынан аман-есен жетсе, оныо-раза ұстап өткізсін» – деп бұл ай Құран айы екенін анық көрсеткен.
Әрбір сүресінде адамзатты ізгілікке, жақсылыққа шақыратын қасиетті Құранның көптеген аяттарындаРаббымыз өзара жәрдемдесуді,қолда барды бөлісуді, байлардың мал-дүниесінен жоқ-жітікке, кедей-кепшікке беруінбұйыратыны белгілі.Олай болса осындай қасиетті айдаәрпенденің бойынан жомарттықтың белгісі көрініп тұруы тиіс.
Бар болмысымен жомарт жаралған Алланың елшісі, пайғамбарымыз Мұхаммед (с.а.с) Рамазанда оданда бетер жомарт бола түсетінін аса қадырлы достары – сахабалардан жеткен естеліктерден білеміз. Солардың баршасы осы айдағыкөркем садақаныңбір түрі таңнан қара кешке дейінАлла разылығы үшін ораза ұстап, ішіп-жеуден, нәпсіқалауына жататын баршанәрседен тыйылған пендеге ауызашар беруекендігін, сол арқылы Жаратқан Иеміздіңразылығын алу керектігін ұғындырады.
Зайд бин Халидтан жеткен хадисте Алла елшісі (с.а.с):«Кімде кім бірадамға ауызашарберсе оған ауызберік адамға берілген сауаптай сауапберіледі. Одан ораза ұстаған кісінің сауабы еш кемімейді»– деген.Бұл хадистенАлла елшісінің ауызашар беру арқылы мұсылманды қуандырудың өзі құлшылықтың бір түрі екендігін айтқанын ұғуға болады.
Жаратқан Алла Тағала қасиетті Құрандағы «Фатыр» сүресінің 29-30 аяттарында: «Расында, Алланың Кітабын лайықты түрде оқитын, намазды да кемеліне жеткізіп, үзбей әрі уақытылы оқитын, сондай-ақ өздеріне ризық-несібе ретінде берген нығметтеріміздің бір парасын ізгілік жолында жасырын әрі жария түрде жұмсайтындар әсте зиянға ұшырамайтын берекелі саудаға үміт арта алады. (29)
Өйткені, Алла оларға тиісті сауаптарын толық береді, оған қоса, оларға шексіз шарапатын төгіп, берер сый-сияпатын арттыра түседі. Алла өте кешірімді, әрбір игілікті ниет пен істің қарымын еселеп, артығымен беруші. (30)» – деп мұсылман баласын сүйіншілейді. Сол арқылы Жаратушының разылығын іздеген пенде қолындағысын көрнеу-көмес жолмен жұмсауы керектігін ескертеді. Оныпайғамбарымыз Мұхаммед (с.а.с) ауызашарға жұмсалған шығынға Раббымыздың берер сауабы есепсіз екендігін айтқан.
Байһақидың риуаятында келген хадисте: «Алла елшісі (с.а.с) бір күні Салман Фарсиға:«Кім бір адамның ауызашуына көмектессе күналары кешіріліп, тозақ отынан азат етіледі.Оған аузы берік адамның сауабындай сауап жазылады,одан ауыз бекіткен адамның сауабы еш кемімейді»–дейді. Сонда Салман: «Уа, Алланың елшісі егер ауыз аштыруға еш нәрсе таппасақше?» – деп сұрайды. Пайғамбарымыз (с.а.с):«Алла ондай сауапты бір жұтым сүт, бір құрма немесе бір жұтым су ұсынғанға да береді.Кім ауыз бекіткен адамды тойдырса Алла оны қияметтің күнінде менің қауызымнансусындандырады.Ондай адам жәннатта еш шөлдемейді» – дегені айтылады.Осыған қарап, сүйікті пайғамбарымыз (с.а.с) айтқандай бір адамға болсада ауызашар беру мұсылманды тозақ отынан құтқарып, күнәсінің кешірілуіне себеп боларын түсінуге болады. Ауызашар беруге шамаңызкелмесе бір құрмамен таза су ұсынып сауапқа кенеліңіз! Бұл айда кішкентай жақсылығыңыз, ізгі амалыңыз он еседен жеті жүз есеге дейін еселенері хақ!
Мұсылман баласы ауызашар беру арқылы ренжіскен екі адамның арасын жақындатып, Алланың мейіріміне бөленетіні анық. Аузы берік бола тұра өзі сияқты жандарға ауыз аштырған адамның еселеген сауап алатынын ескерсек, оншақты адамға ауыз ашар берген жанның сансыз сауапқа кенелетіні осыған дәлел емеспе?!
Жаратқан Раббымыз «Бақара» сүресінің 148 аятында: «Әр қауымның бет бұратын құбыласы, ұстанған жолы һәм көздеген мақсаты бар. Ендеше, (сендердің құбылаларың, жолдарың һәм мақсаттарың белгілі, сондықтан жұдырықтай жұмылып) жақсылықта жарысыңдар һәм топ жарыңдар. Қай жерде болсаңдар да, күндердің күнінде Алла бәріңді бір жерге (яғни, ғарасат майданына) жинайды. Шүбәсіз, Алла Тағаланың құдіреті барлық нәрсеге толық жетеді» – деп сүйіншілейді әрі ескертеді.
Осы аяты арқылы біздерді жақсылық жасауға, ізгілік жолынашақырған ЖаратушыАлла Тағаланың бұйрығын осындай қасиетті айда еселеп атқарып, шамамыз келгенше жақсылық жасауғаұмтылайық, қадірлі ағайын!

Мұхамет Ордыбай,
Ескелді ауданының бас имамы