«Азаттық пен тыныштық, көксегенім»
Абай Құнанбай
Ислам – Тыныштықты ту еткен, бірлікке бастайтын дін. Дін мемлекетте, қоғамда тыныштық, әділдік болуын көздейді. Адамның алтын ұясы- имандылық, бейбіт өмірі, тыныш тірлік болып табылады. Ел іргесі тыныш болу үшін оның ішкі бірлігі берік болу керек. Сондай –ақ, берген нығметін еске алып,тыныштықты бағалауды нұсқайды. Демек бөлінбеу, бір болу дұшпандықты жояды. Ол үшін бірігіп іс жасауымыз қажет. Құранда: « Жақсылықта, тақуалықта бір-бірлеріңе жәрдемдесіңдер. Күнаға және дұшпандық істерде жәрдемдеспеңдер. Алладан қорқыңдар! Күдіксіз Алланың азабы қатты» - деген. Тағы бір аятта: «Түп-түгел Алланың дініне жабысындар бөлінбеңдер. Сондай-ақ өздеріне Алланың берген нығметін еске алыңдар. Өйткені бір-біріңе дұшпан да едіңдер, жүректеріңнің арасын жарастырды, Оның игілігімен туысқа айналдыңдар. Оттан бір шұңқырдың ернеуінде едіңдер, сендерді одан құтқарды. Осылайша Алла сендерге аяттарын тура жолға түсулерің үшін баян етеді»- делінген. Әр бір халық жақсылықты, өркениетті, тыныштықты қалайтыны ақиқат. Өзінің мәдениетін, әдет салтын, тілін, дінін, ұрпағына деген дара жолын салуды аңсайды. Ал бұның бәрі қайдан келет тыныш қоғамға орнайды. Ал қоғамның тыныштығын бұзатын бүлік пен іріткі салушылыққа Алла Тағала қатаң түрде тыйым салады. Қасиетті Құранда бұл мәселе жайында мынадай аят келтірілген: «Бүлік шығару адам өлтіруден де бетер». Ал, Пайғамбарымыз: «Бөлінушілікке жол ашқандар - бізден емес», - дейді. Ендеше, Елдің тыныштығы мен бейбіт өмірін бұзатын бүліктен әр адам сақтанып, бірлкте болу керек. Халқымызда: « Байлық байлық емес, бірлік байлық»- деген екен. Өткен ғасырларда ата бабаларымыз өз елінің, жерінің бейбіт өмірімен, тыныш тіршілігін сақтау жолында сан соқпақты бастан кешті. Қазіргі ұрпақ осыны естен шығармаған жөн.
Шашырап алтын шапағы,
Тамылжып таңдар атады.
Асығып барлық адамдар,
Жұмысқа бара жатады –
Осының аты Тыныштық.
Шашырап алтын шапағы,
Тамылжып таңдар атады.
Моншағын мөлдір шашу ғып,
Субұрқақ көкке атады –
Осының аты Тыныштық.
Қуантып ата, апаны,
Шырқалып сұлу, шат әні,
Бақытты балғын бөбектер
Бақшада ойнап жатады –
Осының аты Тыныштық.
Қызарып барып шапағы,
Алаулап күн де батады.
Қайтады ел де үйіне,
Тындырып ісін сапалы –
Осының аты Тыныштық.
Қызарып барып шапағы,
Алаулап күн де батады.
Бақытты балғын бөбектер
Балбырап ұйықтап жатады –
Осының аты Тыныштық! – Абдрахман Асылбек.
Елімізге тыныштық сыйлаған Аллаға сансыз шүкірлер болсын. Тынш қоағмда білім, өнер, тапқырлық, жасанпаздық және құдайға жасалар ғибадат мәнді болмақ. Осынау жаһандану заманында еліміз үшін ғылым техниканың, руханыи жаңғырудың, болшақ жастардың жасанпаздығы үшін мемлекеттің тыныштыға айрықша маңызды. Сол үшін халқымызға бір жеңнен қол, бір жағадан бас шығара отырып отбасы отағасы әкесін баласы, бір мекеменің басшысын ұжым, мемлекет басшысын халқы қолдау көрсетсе баянды қоғам,бейбіт заман, тыныш тіршілік болмақ.
Алла елімізді тыныштықты бұзатын кесапаттан сақтасын. Елімдеген ел азаматтарын аман болғай!

Панфилов ауданы бас имамы Шәріп.С