Барлық мақтау мадақ сіздер мен біздерді қараңғылықтан жарыққа шығарған , иман нығметін берген , әрі бізді мұсылман қылған Аллаға болсын! Салауат сәлемдер сүйікті пайғамбарымыз Мұхаммедке оның жанұясына, сахабаларына, әрі ізгілікте соңынан ерген мұсылмандарға болғай! 

Құрметті мұсылман жамағат ! Алла Тағала сіздер мен біздерге пайдалы білім берсін , сол білімге сай амал істеуімізді нәсіп етсін. Ардақты Пайғамбарымыз с.а.с хадис шәрифте " Әрбір адам баласы қателікпен күнәға жолығушы ,сол күнәға жолығушылардан, хайырлысы , істеген ісіне тәубе етушілер -деген. Алла Тағала Құранда " Ақиқатында Алла тәубешілдер мен тазаланушыларды Жаксы көреді " деп сүйіншілеген. Жоғарыдағы хадис пен аятқа назар аударар болсақ, әр пенденің күнәға жолығып жүрері анық екенін аңғарамыз . Өйткені Алла бұл өмірді сынақ етіп жаратты, яғни жақсылық пен жамандықты қатар жүретіндей етті. Осыған қатысты Құранда "Қарияға" сүресінің 6-9аяттарында : " Ал кімде кімнің таразысы ауыр тартса (жақсылығы жамандығынан басым болса)ол өзі разы боларлық тұрмыста болады. Ал кімнің таразысы жеңіл тартса (жамандығы жақсылығынан басым түссе)оның орны "һәуия" болады деп жақсылық істеймін дегеннің сүйіншісін жамандыққа бой алдырамын дегеннің жазасы боларын ескерсе келе күнәһарлардың барар орнының неткен ұсқынсыз азап екенін тайға таңба басқандай ескерткен. Алла бізді Инсан етіп жаратқан соң, негізгі мақсатымызды естен шығарып, күнәға көп ұрынып қаларымыз жасырын емес. Сізбен бізді көзімізге көрінбей әрдайым тынымсыз күнәға шықырып жүрген азғырушы Ібіліс өзінің тамұғына итермелеуде. Сол ібіліс шақырып жүрген күнәлардың біріне тоқтала кетуді жөн көріп отырмын. Ол күнә ғайбат. 

Алла елшісі с.а.с ғайбаттан аулақ болыңдар , өйткені ғайбаттың зардабы ойнастықтан бетер жаман, өйткені қайсы бір адам зина істеп, тәубе етсе, Алла оны кешіреді, ал ғайбат айткан болса, ғайбатталған адам кешірмейінше, Аллада оны кешірмейді. Алла елшісі с.а.с ғайбат дегеніміз бауырыңның ұнатпағанын басқа біреуге айту деген. Басқа хадисте Алла елшісі с.а.с Ғайбаттан сақ жүріңдер ! Себебі бұл ғайбатта үш апат бар. 

1) Дұғасы қабыл болмайды 

2) Жақсылығы қабыл болмайды

3) Жамандық үсті -үстіне жинала береді. 

Алла баршамызды ғайбат айтушылардан аулақ етсін! Әмин .

Үшарал қалалық мешітінің имамы Ринат Мұхашұлы