{gallery}14072015{/gallery} Түндердің төресін Талдықорған тұрғындары орталық «Иман» мешітіне жиналып, ғибадатпен және тәлімді де тәрбиелік уағызбен өткізді.

Мың айдан қайырлы, періштелер жерге түсіп, жер бетінде береке орнайтын Қадір кеші – Алматыдан арнайы келген Сансызбай ұстаздың әсерлі уағызынан басталып, құптан намазының соңындағы тарауих намазындағы Құран Хатыммен жалғасты. Сауаптар еселеніп жазылатын ерекше, қасиетті түнге арналған Құран хатымды Түркиялық Сабри қари бауырымыз аяқтап, мешіттің іші-сыртына тола жиналған жамағат, хатымның әсерінен көз жастарын тыя алмады.

Жаратушы Алла Тағаланың Қадір түнін мұсылман үмметіне сыйлық етіп берілгені туралы ескеріп, Қазақстан мұсылмандары діни басқармасының Талдықорған өңірі бойынша өкіл имамы Серікхан қажы мешітке жиналған жамағатқа арнайы ауызашар және сәресі дастархандарын жайып, «жұртшылықтың дұға-тілектері мен әрбір қайырлы амалдарының Қадір түнінің құрметі үшін Жаратушы қабыл еткей» деген ақ ниетті дұғаларын жасады.

ҚМДБ Талдықорған өңірі бойынша

бапасөз қызметі taglym.kz