{gallery}12072015{/gallery} Халқымыз қашанда жастар тәрбиесіне жіті көңіл бөліп келген. Ұлт пен ұлыстың аманатын арқалар жас өскінді тәрбиелеудің жолдары мен амалдары да сан түрлі. Солардың ішінде ең басты рөл атқаратын тәлім мен тәрбиенің қайнар бұлағы, жастарды имандылықпен тәрбиелеу.
ҚМДБ Талдықорған өңіріндегі өкілдігі мен жергілікті жастар ісі бөлімі, жастардың діни сана сезімін көтеру мақсатында Рамазан айының құрметіне орай, қаламыздағы мемлекеттік қызыметтегі белсенді жастарға ауызашар берді. Бұл дастарханға облыс, қала көлемінде қызмет атқарып келе жатқан үздік қызметкерлер шақырылды.
Жетісу жастарын өкіл имам имандылыққа шақырып, еліміздің келешегі иманды-ибалы жеткіншек екендігін айтса, Алматы облысы әкімінің орынбасары өкіл имамның сөзін қуаттай жас-жеткіншектерге жігер беріп, бұл өмірдің мәні, құдайға құлшылық қылу екендігін айтты. Өңірдегі жастармен тікелей жұмыс жасап келе жатқан жастар ісінің меңгерушісі, адам баласының өмірге келудегі басты мақсат-міндеттерін, ел мен жерге пайдалы азамат болу үшін қандай болу керектігін, жастардың санасына жеткізуге тырысты.
Жастар — таусылмас күш пен сарқылмас қайраттың нышаны.Қолдарында құраны, жүрегінде иманы бар жас еліміздің жарқын келешегі екендігінде дау жоқ. Сол себепті ұлағатты ұрпақ тәрбиесінің имандылық аясында болуы, бүгінгі күннің кезек күттірмес талабы.
ҚМДБ Талдықорған өңірі бойынша
баспасөз қызметі
taglym.kz
