Алматы облысы, Ақсу аудандық орталық мешітінің бас имамы Анарбай Тасболатұлының ұйымдастырумен Қасиетті Рамазан айының қарсаңында «Рамазанға базарлық» атты қайрымдылық шарасы өткізілген болатын. Сол шараның жалғасы ретінде, Талдықорған өңірінің өкіл имамы Серікхан қажы Рымханұлының бастамасымен, Талдықорған өңірі зекет қорының өкілі Серік Құсайынұлының ұйытқы болуымен, Ақсу ауданының бас имамы Анарбай Тасболатұлының ұйымдастырумен «Зекет малдың қорғаны» атты қайрымдылық шарасы өткізілді.Әлеуметтік тұрмыс жағдайы төмен, көпбалалы отбасыларға, жетім-жесірлерге, науқас, сондай-ақ мүмкіндігі шектеулі мүгедек жандарға, жомарт жандардың қамқорлығымен зекет малынан 12 бас қой, 1 бас тайынша және 600 000 теңге қаржылай ақша 30 адамға берілді.
«Ислам діні жағдайы бар азаматтарды қоғамдағы әртүрлі тағдырмен қайырымдылыққа мұқтаж болған кісілерге, қоғам мүшелеріне көмектесуге, қол ұшын беруге, жәрдемдесуге шақырады. Пайғамбарымыз да (с.ғ.с.) өзінің бір хадисінде: «Өзі тоқ жатып, көршісі аш жатқан адам бізден емес», - деген. Сондай-ақ, Құран Кәрімнің бірқатар аяттары да жұртқа көмектесуге, қол ұшын созуға, тамақтандыруға шақырады». Осылай деген аудандық мешіттің бас имамы Анарбай Тасболатұлы мешіттің ұйымдастырып отырған бұл қайырымдылық шарасы осы өсиеттердің аясында екенін түсіндірді.
Осындай жүрегі кең, қолы ашық азаматтарға барша жамағат алғысын жаудырды.
Ақсу аудандық «Ақсу өңірі» газетінің тілшісі Лаззат Қасымбекова
