{gallery}08072015{/gallery}Иманды елдің ертеңі жақсы демекші, бұл күндері әрбір мешітте Қазақстан мұсылмандары діни басқармасының талабына сай, оқушылардың жазғы демалыс күндерін тиімді өткізү үшін, діни сауат ашу курстары жұмыс істеуде. Жақында ауданымыздың «Береке» мешітінде, ауданның бас имамы Медетбеков Құндызбектің ұйымдастыруымен «Қош келдің Рамазан» атты шәкірттер арасында Құран және азаннан жарыс болып өтті. Жарысқа ауданымыздың барлық мешіттерінде діни дәріс алып жүрген, мектеп жасындағы шәкірттер қатысты. Жарыстың ашылу салтанатында сөз алған, ауданымыздың бас имамы Құндызбек қажы, көпшілікті қасиетті Рамазан айымен құттықтап, аудан көлемінде өткізіліп отырған Құран және азан жарысының маңыздылығын айтып өтті. Азан айтып Құран оқудың, оны жаттаудың өте ауқымды, сауапты амалдардан екендігін тілге тиек еткен бас имам, жарысқа қатысушыларға сәттілік тіледі. Жарысқа, имамдардан құралған он үш имам төрелік етті.  Жарыс қорытындысы бойынша: Құраннан ұлдар арасында бірінші орынды «Береке» мешітінің шәкірті Марупов Махмутжан, екінші орынды орталық мешіттен Азмахунов Әлихан, үшінші орынды Улкен Шыған ауылынан Бақытжан Абдулғазиз алса, Құраннан қыздар арасында өтілген жарыста, бірінші орынды Улкен Шыған ауылынан Мамтыбай Гулзат, екінші орынды Керімағаш ауылынан Ұзақ Марал, үшінші орынды «Береке» мешітінен Дуйсекеева Алуа иеленді. Ал азанды нақышына келтіріп айтудан,  бірінші орынды «Береке» мешітінің шәкірті Нурсултанов Ильяс, екінші орынды «Елтай» мешітінен Құлжабеков Жеңіскелді, үшінші орынды Қоңырөлең ауылынан Молдақұл Саги жеңіп алды. Жарысқа қатысушы жеңімпаздарға, дін жанашырлары «Алтын көл Жетіген» темір жолы станциясы директоры Нұрым Лепесұлы, теміржол қызметкері Сапар Нурлан, кәсіпкерлер,  Артықбаев Ержан, Ходжамбердиев Адылжан, Сопиев Турсын, Ибраймов Қайрат, Зайтов Тұрған, Тургенбаев Манарбек, Өмірбеков Қайрат демеушілік жасап, бірінші орындарға ноутбук, екінші орындарға кіші ноутбук, ушінші орындарға үлкен велосипеттерді улестіріп, жарысқа қатысқан барлық шәкірттерге ынталандыру сыйлықтарын берді. Осындай келелі іске жиылған жамағат, шексіз алғыстарын білдіріп, ризашылықпен тарқасты. Сөз соңында сөйлеген аудан имамы, енді осындай жарыстың Құрбан айтта, Үлкен Шыған ауылында, жамағаттар арысында болатынын хабарлап өтті. Лайым жақсылық күндерде, жақсылықтарға күә болуға, Улы Алла Тағала әрқашанда жолықтырғай. Ел аман, журт тыныш болсын ағайын. Әмин!

                                                                                 Турапбаев  Айдарбек

                                                                                Панфилов ауданы