{gallery}020720155{/gallery} ҚМДБ-ның төрағасы бас мүфти Ержан қажы Малғажыұлының тапсырмасы бойынша Талдықорған өңірінің өкіл имамы Серікхан қажы Рымханұлының ұйымдастыруымен Талдықорған өңіріне қарасты, Текелі қалалық қарттар үйінде, қарттар мен мүгедектерде арналған ауызашар дастарханы жайылды. Ауызашар дастарханына келген қарттарымыз бен мүгедек жандар тосыннан болған сыйға, ақ баталарын беріп, жақсы тілектерін жеткізді. Аталмыш игі шараға қатысқан Талдықорған орталық «Иман» мешітінің найб имамы Керімбек Сәрсембайұлы қарттарға оразаның пайдасы туралы әсерлі уағыз айтса, Текелі қалалық Қарттар мен мүгедектер үйінің директоры Алма Мұқанғалиқызы хазреттің атынан жайылған ақ дастарханды жақсылықтың нышаны екенін тілге тиек етті.

Талдықорған өңірінің

баспасөз қызметі