{gallery}220616{/gallery}Бұл күндері ауыл-аймақтарда құлшылық үйі, мешіттердің бой көтеріп келе жатқаны көңіл қуантады. Мешіт салу сауапты іс, Пайғамбарымыз Мухаммед (с.ғ.с.) – ның бір хадисінде: «Кім Алла ризалығын табу үшін мешіт салса, Алла Тағала ол адамға жаннаттан үй тұрғызады» деп  мешіт салудың сауапты әрі игілікті амал екендігін айтып кеткен. Діни сенімі мықты елдің, іргесі де мықты демекші, қасиетті Рамазан айының қарсаңында ауданымызға қарасты Қырыққұдық ауылындағы жаңа салынып жатқан мешітке дін өкілдері де қолғабыс жасады. Ата-баба дәстүріне сай асар жасауды аудан имамы Құндызбек Медетбеков ұйымдастырды.  Елді имандылыққа шақырып жүрген имамдар тобы мешіт құрлысына қолғабыс жасап, кірпішін қалады.  Ауданымызда бұрын соңды болмаған, бұл игі бастамаға көпшілік қауым өз ризашылықтарын білдіріп жатты. Сөзімен емес, ісімен сауапты іс жасаудың көрінісін көрсеткен имамдар, ел мен жердің тыныштығы, халқымыздың бірлік ынтымағы үшін дұға жасап тарқасты. Көпшілікке көркем ой тастаған бұл бастама алдағы уақыттарда да өз жалғасын таба бермек.

 Алтыүй ауылы мешіті имамы    

 Қанатқазы Манапұлы    18.06.2015 жыл