Қасиетті Рамазан айының қарсаңында, аудандық орталық мешітте алқалы жиын болып өтті.  Аталмыш жиынға қала ауыл имамдары, ақсақалды қариялар қатысты. Бас имам Құндызбек Медетбеков Қазақстан мұсылмандары діни басқармасынан қойылған талаптар мен міндеттерді,  кең көлемде түсіндіріп өтті. Исі мұсылман қауымы асыға күткен, сағынып жеткен қасиетті Рамазан айында қайырымдылық іс шараларды жиі ұйымдастыруды, әсіресе мектеп оқушыларының жазғы демалыс айларын  тиімді пайдаланып,  мешіт жанынан сауат ашу курстарын ашуды  имамдарға тапсырды. Сонымен қоса еліміз үшін абыройлы қызмет еткен, зиялы қауым өкілдеріне, қадірлі болған ел ағаларына Рамазан айымен құттықтау хаттар жіберудің маңыздылығына тоқталды. Жиынға қатысқан имамдарға Қазақстан мұсылмандарының тұғырнамасы, мұсылманның тұлғалық бейнесі, және имамның тұлғалық келбеті атты кітапшаларды тарту етті. Қазақстан мұсылмандары діни басқармасы бекіткен тұғырнаманың тұғыры әрқашанда биік болғай!

                                                                                                                                            Панфилов ауданы