{gallery}16062015000{/gallery}15 Маусым күні Алматы облысы, Ақсу аудандық мешітінің бас имамы Манбетов Анарбай Тасболатұлының кәсіпкерлерді ұйымдастырумен Қасиетті Рамазан айының қарсаңында «Рамазанға базарлық» атты қайрымдылық шарасын өткізді.
Шараға аудандағы тұрмысы төмен, көпбалалы және мүмкіндігі шектеулі 20 отбасы шақырылды. Әрбір отбасыға бір қап ұн мен 5 литр сұйық май және қаржылай 300 000 теңге қаражат бөлініп берілді.
«Хадис шаріпте «Мұсылман мұсылманның бауыры, Ол оған зұлымдық жасамайды және (залымның қолында) қалдырмайды. Кімде-кім бауырының бір қажетін өтесе, Алла оның қажетін өтейді, кімде-кім мұсылманды қайғы қасіреттен құтқарса, Алла оны Қиямет күнгі қайғы-қасіреттердің бірінен құтқарады...» деген. Бүгінгі өткізіліп отырған шараға мұрындық болған кәсіпкерлерге Алла разы болсын. Алла қаласа алдымызда келе жатқан Қасиетті Рамазан айында да қайрымдылық шарасы жалғасын табады», - деді аудан имамы Анарбай Тасболатұлы.
Ақсу аудандық мешітінің
баспасөз қызметі
