{gallery}1606201500{/gallery}Рамазан айының қарсаңында Алматы облысы Талдықорған өңірі Кербұлақ ауданының имамдары «Рамазан – Құран айы» атты семинарда бас қосты.

ҚМДБ-ның Талдықорған өңірі бойынша өкіл имамы С. Ахмадиев семинарға жиналған имамдарға қасиетті Рамазан айы және ораза мәселелеріне қатысты дәріс оқыды. Дәріс барысында дініміз бен дәстүрге, ораза мен Рамазан айына, жалпы мешіт қызметі мен үгіт-насихатқа байланысты сұрақтарға нақты жауап берілді. Сонымен қатар, өкіл имам қызметін жете атқарған, діни басқарманың тапсырмаларын көрнекті түрде орындаған имамдарға сый-сияпатын жасап, алғысын білдірді.

Семинар соңында, жайылған ақ дастарханда отырған имамдар, діни басқарманың өкіліне алғыстарын айтып, дін мен дәстүрді ұштастырып ұстанған діни басқарманың бағыты мен бағдарына халықтың дән ризашылықтарын жеткізді.