{gallery}03062015{/gallery} 1 мамыр – Балаларды қорғау күні. Бұл күн кішкентай келешектеріміз үшін ең қуанышты күн. Таң атпай орталық алаңның маңы тәтті сататын базарға айналды. Мерекелік шара басталмай тұрып жиналған балдырғандар алаңда асфальт үстіне сурет салса, балабақшалардың кішкентай өнерпаздары ән айтып, би биледі. Ұйымдастырушылар жағынан әр өнерпазға және асфальтқа сурет салу жеңімпаздарына арнайы сыйлықтар әзірленіпті.

      Сыйлықтардың ең құндысын аудандық мешіт ұжымы даярлаған екен. Мешіт қызметкерлері салауатты өмір салтын насихаттап, кішкентай велошабандоздар арасында үш дөңгелекті велосипеттен жарыс ұйымдастырды. Балаларға бір-бірден балмұздақпен шокалад тарқатты.  Жүлделі І орын алған балақайға семіз марқа, ІІ орын иегеріне бір лақ, ІІІ орын алған балаға құрастырмалы ойыншық сыйлады.

Ақсу аудандық мешітінің бас имамы Анарбай Манбетов өзі құттықтау сөз сөйлеп, сыйлықтарды өзі табыстады.

       Балалар күнінің қызығы орталық саябақтағы ойын алаңында айналмалы әткеншектерде жалғасын тапты.

Ақсу өңірі газетінің тілшісі

Ербол Сымханов.