{gallery}02062015{/gallery}Сүйікті Пайғамбарымыз Мұхаммед (с.ғ.с) хадисінде: «Бала – жүректің жемісі, жаннаттың райхан гүлі» деп айтқандай», Талдықорған қаласында ҚМДБ-ның Талдықорған өңірі бойынша өкіл имамы Серікхан қажы Рымханұлының ұйытқы болуымен 1 маусым халықаралық балаларды қорғау күніне орай «Балғын балдырған» атты іс-шара өткізілді.

Бір күн бойы орталық «Иман» мешітінің кең ауласы балалардың ойын алаңына айналды. Келген балаларға арнайы ойнайтын 4 батута қойылып, 2 «аю» мен қоса арнайы концерттік бағдарламалар балалардың көңілін көтерді. Оған қоса, ер балалардың арасында кішігірім спорттық жарыстар ұйымдастырылып, кішкентай жеңімпаздарға сыйлықтар беріліп, қыз балалар арасында секіруден жарыстар өткізілді.

 Сонымен қатар, мешіттен естелік ретінде 1500 астам түрлі ойыншық сыйлықтар таратылса, 200 килограммнан астам тегін балмұздақтан және шоколад фонтанынан бүлдіршіндер дәм татып, түрлі тәттілер мен шырындардан нәр алды.

Бесін намазынан кейін, мерекеге арналған ақ дастархан жайылып, балалар және ата-аналарына арнайы ас берілді.

Басқа емес, арнайы мешітте уақыттарын жақсы өткізіп, қуанышты сәттері бүлдіршіндердің көңілінде ұзаққа сақталатыныны сөзсіз.

Бұнымен ізгі істер тоқтамай, Серікхан қажы Рымханұлы «Айналайын» балалар үйі мен «Малютка» жетімдер үйіне арнайы барып, барлық бүлдіршіндерге сыйлықтар мен тәтті тағамдар таратты. Қонаққа риза болған балалардың мәз-мәйрам болған қуанышты жүздерінен ризалық сезіліп тұрды.

Талдықорған өңірлік өкілдіктің баспасөз қызметі