{gallery}29052015{/gallery} 28 мамыр күні Талдықорған қаласы І. Жансүгіров атындағы Жетісу Мемлекеттік Университетінде «Бейбітшілік және келісім руханият мәдениетінің негізі» тақырыбында форум өтті. Аталмыш форум Қазақстан Республикасының діни экстремизм мен терроризмге қарсы іс-қимыл шараларына арналған мемлекеттік бағдарламаны жүзеге асыру мақсатында және де Әлемдік және дәстүрлі дін көшбасшыларының V құрылтайына байланысты жоспарлы түрде өткізіліп жатыр.

Форумға аудан, қала имамдары, дәстүрлі дін өкілдері және жергілікті АНТ мүшелері қатысты.

Форумда сөз алған ҚМДБ-ның Талдықорған өңірі бойынша өкіл имамы С. Ахмадиев, теріс ағымдардың белгілері мен олардан сақтану жолдарын, діни ілімді алуда тек мешіт өкілдері мен арнайы дін мамандарына жүгіну керектігін ескертті. еліміздегі басты құндылық ұлтаралық және дінаралық татулықты дәріптеу туралы баяндама жасады.

 Кезектегі сөз алған Республикалық ақпараттық-насихаттық тобының мүшесі, Египет Ислам мәдениеті университетінің оқытушысы А. Мұқанов, халықтың діни сауатын арттыру, ел арасында жат ағымдардың таралуының алдын алып, ақпараттандыру, отансүйгіштікті, толеранттылықты, төзімділік пен байсалдылықты насихаттауда ҚМДБ-ның атқарып жатқан қыруар істеріне де назардан тыс қалдырмай, тоқтап өтті.