{gallery}25052015{/gallery}Қазақстан мұсылмандары діни басқармасының РАНТ (Республикалық ақпараттық насихат тобы) мүшелері Асқар Мұқанов және Серікхан Ахмадиевтің Талдықорған өңіріндегі 25-29 мамыр аралығындағы насихат жұмыстарының 1-нші күні Талдықорған қаласындағы Агротехникалық колледж ғимаратында жастармен кездесу жиынымен басталды. Жиын барысында Ислам дінін қалай дұрыс түсіну керектігі мен иман негіздері, жас кезден алған тәлім-тәрбиенің мән-маңызы, ұлттық құндылықтар т.б. жайында тәлімді уағыз-насихат айтылды. Кездесу соңынан білімгерлерден сауалдар түсіп, оған толыққанды мысалдармен жауап берілді.

Ардақты пайғамбарымыз с.ғ.с хадисіндегі «Жүрегіңнің жұмсаруын қалаймысың? Онда жетімге мейірімділік көрсет, басынан сипа» деген ұлағатты өсиетті жаңғырту мақсатында, РАНТ мүшелері «Айналайын» балалар үйіне арнайы барды. Биылғы оқу жылының түлектеріне жүздеріне қуаныш, көңілдеріне медет болатын, балалардың болашағына бақыт пен шаттық тілеп бата беріп, өмірге деген көзқарастарының байсалды және нақты болып қалыптасуын нығайту мақсатында өсиеттерін айтты.