{gallery}180520150{/gallery}Талдықорған қаласында алғашқы рет қала мешіт имамдарымен жамағаттар арасында биылғы  «Ұлы Отан» соғысының 70-жылдығына орай, салауатты өмір салтын  насихаттау мақсатында волейболдан  турнир өткізілді. Оған  қаламыздағы 4-мешітпен  2-аудан мешіттері,  жалпы 6-команда өз –ара  бақ сынасты.

        Спорттық турнирдің өткізілу мақсаты имамдар мен мешіт жамағат арасын жақындату, өзара ынтымақты нығайта түсу.

       Шараға Алматы облысы ішкі саясат басқармасының басшысы Ғалиасқар Төлендіұлы және Алматы облысы дін істер басқармасының бастығы Тәңірберген Қасымақынұлы  арнайы келіп құттықтап, бүгінгі жарысқа қатысушы командаларға сәттілік тіледі.

       Жарысқа үш кубок тігілген болатын, тәжірбесі бар арнайы төрешілер тартылды. Сайыс соңында жеңімпаздар анықталып, жүлделерді Талдықорған өңірінің өкіл имамы Серікхан  қажы Рымханұлы табыстады. Бірінші орынды облыстық «Иман-мешіті» командасы, екінші орынды «Еркін- мешіті» командасы, үшінші орынды «Көксу аудандық мешіт командасы» иеленді. Сонымен қатар ең үздік қорғаушы және үздік шабылушы номинацияларына сыйлықпен  марапаттау қағазы табыс етілді. Шара соңында команда қатысушыларына және жанкүйерлерге дастархан жайылып, ас берілді. Спорттық турнирлік жарысты Алматы облыстық «Жетісу» телеарнасы арқылы насихатталды.