Бүгін қалалық “Нұр” мешітінің “Әйел-қыздар” секторының ұйымдастырумен әйелдер жамағаты арасында интеллектуалды білім сайысы өтті.

Шараға қалалық мешіттердің әйелдер жамағаты қатысып, білімдерін сынады.

Білім сайысына ҚМДБ Жетісу облысы бойынша “Әйел-қыздар” секторының меңгерушісі Орынбасарова Айгерім Атымтайқызы, қалалық “Жетісу” мешітінің ұстазы
Қасымхан Ақмарал Ринатқызы,
қалалық “Нұр” мешітінің ұстазы, әрі сайыс ұйымдастырушы Абдрахманова Динара Амантайқызы қазылық етті.

Ақида, фиқһ, ислам тарихы, сирадан арнайы дайындалған тестілік жүйе бойынша бақ сыналған білім сайысының жеңімпаздары қаржылай сыйлық пен облыс имамының алғыс хатымен марапатталды.

“Әйел-қыздар” секторының ұйытқы болуымен білім сайысын алдағы уақытта облыс деңгейінде өткізу жоспарланды.