Бүгінгі таңда халал индустрия жақсы беталыспен дамуда. Оның ішінде ет бағыты үлкен сұранысқа ие. Осы тұста білікті қасапшылардың атқарар рөлі айрықша. Аталмыш бағыттың дамуына, бірізділікке түсуіне ҚМДБ «Халал Даму» ЖШС ұйымының еңбегін атап өтпеуге болмас.

ҚМДБ Жетісу облысы бойынша “Халал Даму” ЖШС-нің жауапты маманы Ордыбайұлы Мұхаммедтің ұйытқы болуымен Мұхит Әлімбекұлына қасапшыларға арналған арнайы семинарда білімін жетілдіріп, мүфтияттың куәлігі берілді. Арнайы сертификат пен қасапшы деген куәлікті облыстың бас имамы Керімбек Сәрсембайұлы орталық “Иман” мешітінде табыстады.

Жалпы ҚМДБ «Халал Даму» ұйымы үшін қасапшылық - әр кез актуалды мәселе. 2015 жылдан бастап бүгінгі таңға дейін 300-ден астам қасапшы «Халал Даму» ЖШС атынан арнайы сертификатқа және куәлік пен мөрге ие болған. Арнайы оқытылған қасапшылар мал союдың шариғатымыз қойған талаптарын терең меңгеріп қана қоймай, малды сойылғанға дейін жемдеу, малды сойяр алдын тыныштандыру, гуманды тәсілмен малды бауыздау сияқты қасапшылықтың нәзік тұстарын қамтып өтті.