Бүгін Жетісу мешіттерінде ақшам және құптан намаздарында Қарағанды облысындағы Костенко атындағы шахтадағы өрт салдарынан қаза тапқан мұылман жандарға құран бағышталды.
ҚМДБ Жетісу облысының бас имамы Керімбек Сәрсембайұлы бастаған өңір имамдары кеншілердің отбасына, туған-туыстары мен жақындарына көңіл айтып, қаза тапқан кеншілерге құран оқыды. Сонымен қатар өңірдің барлық мешіттерінде де бір мезетте Костенко шахтасындағы өрт салдарынан қаза тапқандарға құран оқылып, дұға бағышталды.
«Марқұм болғандарға Алладан рақым тілейміз, өрт кезінде жарақат алғандарға шипа берсін. Қаза тапқандардың туыстарына көркем сабыр тілейміз. Еліміз бен жерімізге амандық берсін, Алла табиғи апаттардан сақтасын», - деп атап өтті бас имам Керімбек Сәрсембайұлы.