Мәуліт айы, құтты болсын.!

Әз пайғамбар туған ай желіп жетті,
Әне міне дегенше келіп жетті.
Адамзаттың асылы ардақтысы,
Мұхаммед Мустафа с.ғ.с ең құрметті.

Салауат айт пайғамбарға ертелі кеш,
Құран оқы, еңбегің болмайды еш.
Ізгілікті іс амалдар жасаңыз көп,
Түйіткілді мәселелердің түйінін шеш.

Сүйсеңіз пайғамбарды махаббатпен,
Орындаңыз сүннатын ыждағатпен.
Мәуліт оқып, салауат сәлем жолда,
Тату бол ағайын туыс жамағатпен.

Алланы ұлықтаумен зікір еткін,
Шерді тарқат көзін аш көкіректің.
Үмметі болам десең пайғамбардың,
Азға қанағат, барыңа шүкір еткін.

Еңбек қыл, құлшылық жаса Хақты таны,
Рухани ләззат алар адам жаны.
Ахлақ көркем мінез иесі бол,
Шынымен жақсы көрсең Расулалланы.!.

Әбудардан Таласбай.