Облыстың бас имамы Керімбек Сәрсембайұлы Алакөл көпсалалы колледжінің белсенді жастарымен кездесті. Шараға түрлі саланың білім иелері, қоғамдық ұйымның мүшелері, блогер жастар қатысты. Кездесуде бас имам “Үлкенге құрмет - кішіге ізет”, салт-дәстүрден тәлім-тәрбиелік маңызы зор тағылымды насихат айтты. Сонымен қатар бас имам тәрбиемен қатар құрсақтан берілетін иманды әдет-ғұрып, салт-дәстүр, ұлттық болмыспен келетін тәрбиенің маңыздылығы туралы айта келе, еліне елеулі қызмет етіп, өнеге болып жүрген азаматтарды тілге тиек етіп, адамгершілік құндылықтарды кең көлемде баяндады. ЖАНТ мүшесі Нұрлан Жұманұлы орыс тілді аудиторияға орыс тілінде насихат айтып, көпшіліктің сұрағына жауап берді. Өз кезегінде жиынға қатысқан колледж директорының орынбасары Байкал Нығыметұлы тағылымды жүздесу үшін өкілдікке алғыс білдірді.