ҚМДБ төраға орынбасары, наиб мүфти Кенжеәлі Қоңыратбайұлы Жетісу облысының рухани жүрегі болған облыстық “Иман” мешітінде жамағатпен жүздесіп, жұма уағызын айтты. «Имани гүл» (Абайдың  Алланы, адамзатты,  әділетті сүю турасында айтқан өсиеті) тақырыбында уағыз айтқан наиб муфти Хакім Абайдың Алланы танудағы ғибраттарына тоқталды. Уағыз барысында Кенжеәлі Қоңыратбайұлы Абайдың насихат қылып қалдырған қара сөздері мен тәлімдік жырларынанда үзінділерді тілге тиек етті. 

Имани гүлдің әуелгісі – Алла Тағаланы сүю. Абай атамыз Алла Тағаланың адамзатты махаббатпен жаратқандығын, сол себепті де адамзатты Жаратушысын танып, Оған жүрегіндегі бар махаббатын арнауы керектігін айтады.- деді ҚМДБ наиб муфтиі Кенжеәлі Қоңыратбайұлы.

Жұма намазын жүргізіп, еліміздің тыныштығы, халқымыздың амандығы жайында дұға қылды.