Бүгін қасиетті жұма күні Жетісу облысына іс сапармен ҚМДБ Төрағасының орынбасары, наиб мүфти Мырзабаев Кенжеәлі Қоңыратбайұлы келді. Ең алдымен Жетісу облысының әкімі Исабаев Бейбіт Өксікбайұлымен кездесіп, ҚМДБ төрағасы, Бас мүфти Наурызбай қажы Тағанұлының ыстық сәлемін жеткізді. Алдағы уақытта мүфтият іске асырайын деп отырған жұмыс бағыттарын тілге тиек етті. Облыс әкіміде өңірдегі діни ахуал жайында және жас мамандарды қызметке тарту мақсатында жасалып жатқан жұмыстар жайлы айтып өтті. 

Наиб мүфти өңірге жаңадан тағайындалып жатқан облыс имамы Дәуітов Керімбек Сәрсембайұлын әкімге таныстырды.