ҚМДБ Жетісу облысы бойынша өкілдігі «Жастар ісі» секторының ұйытқы болуымен Талдықорған қаласындағы Жетісу құрылыс-техникалық колледжінің студенттеріне «Менің алғашқы оразам» тақырыбында жаңадан ораза ұстаған жастарға арналған семинар ұйымдастырылды. 

Семинардың мақсаты – жаңадан ораза ұстауға ниет білдірушілердің қорқынышын жеңуге көмектесу және ораза ұстаған жандардың қателіктерді қайталамауын ықпал ету.

Шараға облыстық «Иман» мешітінің қызметкерлері Жардыбайұлы Ережеп, Өмірбеков Ернар және диетолог маман Нұрболатұлы Ақжолмен колледждің психолог мамандары, басшылығы қатысты.

Семинарда оразаға ағзаны қалай дұрыс дайындық барысында нені ескеру қажет, егерде белгілі бір дәрі-дәрмек қабылдайтын болса, соны реттеу, ауыз ашқанға қандай азық-түлік асқазанға ауыр болмайды, жоспар жасау, дұрыс тамақтану секілді тақырыптар қозғалды. 

Студенттер сұрақ қойып, ойларымен бөлісті. Келелі кездесуден кейін колледж жастарына, қызметкерлеріне ауызашар дастарханы жайылды. Құрметті қонақтар тағылымды насихаттары мен мотивацияға толы жақсы ойлары ортаға салды. Жиылған қауым разы болып тарқасты.