Облыстың бас имамы Алмас Сағидоллаұлы аудандық әкімшілік ғимаратында ауданның белсенді жастарымен кездесті. Шараға түрлі салада қызмет етіп жүрген жас буын өкілдер, қоғамдық ұйымның мүшелері, блогер жастар қатысты. Кездесуде бас имам Рамазан айының артықшылықтары мен салт-дәстүрден тәлім-тәрбиелік маңызы зор тағылымды насихат айтты. Сонымен қатар бас имам тәрбиемен қатар құрсақтан берілетін иманды әдет-ғұрып, салт-дәстүр, ұлттық болмыспен келетін тәрбиенің маңыздылығы туралы айта келе, еліне елеулі қызмет етіп, өнеге болып жүрген азаматтарды тілге тиек етіп, адамгершілік құндылықтарды кең көлемде баяндады. Өз кезегінде жиынға қатысқан аудан әкімнің орынбасары Жұмағұл Әбдіраманұлы тағылымды жүздесу үшін өкілдікке алғыс білдірді.