ҚМДБ Жетісу облысының бас имамы Алмас Сағидоллаұлы Ескелді ауданы іс-сапары аясында өңірдің имамдарымен кездесті. Жиын барысында мүфтият бекіткен “Ислам және ізгі қоғам” жылы аясында берілген тапсырмалардың орындалуын талқылады. Рамазан айындағы жамағатқа беріліп жатқан ауызашарлар мен дәрістер жайлы сұрады. ҚМДБ қабылдаған қызметтік құжаттар жайлы түсіндіріп, дін қызметкерінің келбеті жайында дәріс өткізді. Имамдардың отбасылық жағдайы, айлық мәселесі, шалғайдағы ауылдардың діни ахуалы жайында да сөз қозғалды.