Ескелді ауданына барған жұмыс сапары аясында ҚМДБ Жетісу облысының бас имамы Алмас Сағидоллаұлы аталған ауданның әкімі Елдос Тұрсынбайұлымен кездесті. 

Алмас Сағидоллаұлы бастаған дін қызметкерлерін жылы шыраймен қабылдаған Елдос Тұрсынбайұлы жергілікті имамдардың аудандық руханиятқа және қоғамдық өміріне қосқан үлесінің ерекше екендігін, әсіресе ауданның бас имамы Ордыбай Мұхаммедтің бұл жолда еңбегі орасан зор- деп жеке атап өтті. 

Сонымен қатар қайырымдылық шарасын бірлесе атқару, асыл діннің насихаты, жастарды жақсылыққа баулу сынды мәселелер сөз болды. Кездесу соңында аудан әкімі өкілдіктің атқарып жатқан жұмыстарын және ұсыныстарын толық қолдайтынын жеткізді. Аудан әкімі келген қонақтарға құрмет көрсетіп, естелік сый-сыяпаттарын берді.