Қазақ халқы артыңда мал қалғанша, тал қалсын деп текке айтпаса керек. Адамдар үшін ағаш отырғызудың пайдасы қаншалықты екенін екі дүние сардары Пайғамбарымыздың (ﷺ) мына хадисінен аңғаруға болады: "Кімде-кім бір тал ексе Алла Тағала міндетті түрде бұл тал жеміс бергенше оған сауап жазады".

ҚМДБ төрағасы, бас мүфти бастамасымен өңірлерде қоршаған ортаны қорғау, табиғатты аялау мақсатында “Рамазанда бір тал ек” акциясы басталған болатын. Осындай игі шараны қолдау үшін Жетісу облысының имамдарыда қалалық табиғатты аялау күніне қатысып, берілген аумаққа түрлі талдар мен жеміс ағаштарын отырғызды. 

Ұжым болып атсалысқан игі бастама негізінде қаланың әр бұрышында өтті. Барлық жерде имам-ұстаздарымыз игі шараның басында болды.

«Бір тал кессең, он тал ек» қағидасын мықтап ұстанған халқымыз үшін тал егу — маңызды істердің бірі. Дін мамандарының бірлесіп атқарған бұл шарасы көпке үлгі болары анық. Көктем келіп дала әсемдене түскенде оған өз үлесіңізді сіз де қосыңыз.