ҚМДБ Жетісу облысының бас имамы Алмас Сағидоллаұлының  бастамасымен Талдықорған қаласына қарасты «Көктал» ауылдық мешітінде қасиетті Рамазан айының құрметіне орай жас жеткіншектер арасында «Құран – мәңгі мұғжиза» атауымен құран жарысы өтті. 

Бес бағыттың бірі, әрі бірегейі саналатын «Діни оқу-ағарту» бағыты бойынша өткен жарысты «Көктал» ауылдық мешітінің Әйел-қыздар секторы ұйымдастырды. 

Шараның алғы сөзін бас имамы Аманжол Шаймұратов бастап, барлық қатысушыларға сәттілік тіледі. Сонымен қатар, Алланың қасиетті кітабы Құран Кәрімді жаттаудың сауабы мен маңыздылығы жайында  уағыз айтты. 

Жиырмаға жуық қатысушы бақ сынасқан жарыс төрт номинация бойынша ұйымдастырылып, қыздардың махражы, тәжуиді, жаттау қабілеті жан-жақты бағаланды. 

Жеңімпаздарды бас имам арнайы алғыс хатпен және қаржылай сертификаттармен марапаттады.