“Көрші ақысы, тәңір хақысы” деп атам қазақ айтпақшы “зекет және қайырымдылық қорының” өкілі Омар Хадыстың бастамасымен көктем мерекесі 22-ші наурызда  9-шы алаң 41-ші үй өзінің тұрып жатқан көп қабатты аула көршілерімен бірігіп 

бұрын соңды болмаған ауқымды көрші аралық мереке ұйымдастырды. Атамыздан қалған мұра қазақтың кигіз үйі тігіліп кигіз үйде ұлттық салт-дәстүр жабдықтарымен кішігірім көрме ұйымдастырылып, кигіз үй ішінде де сыртында да домбырамен ән-күй шырқалды. Аулада қазан-ошақ жағып көже, палау, ыстық бауырсақ пісіріліп дастархан жасалды. Балалар түрлі өнер көрсетіп, ұлттық ойындар ойнап, ыстық бауырсақтан мәз болып тасып жеп аула тұрғындары мәре-сәре болды. Домбырамен түрлі қазақша ән-күй шырқалып аула ауыл көрінісіне тұнғандай болды. Ата-апалар, жастар қазақша шапан, камзолдарын киіп қазақша ән-күй шырқап, би билеп, түрлі ойындар ойнап жеңімпаздар әртүрлі сыйлықтармен марапатталды. Көршілер ризашылықтарын білдіріп, осындай шара жылда өз жалғасын тапса деген ұсыныстарын білдірді.