ҚМДБ-ның төрағасы, Бас мүфти Наурызбай қажы Тағанұлы оқу-ағарту саласына басымдық беріп, мұны тікелей өз бақылауына алған болатын. Бұл игі істің шынайы көрінісі Алматыдағы имамдардың білімін жетілдіру институтының оқу бағдарламасы жаңартылып, аз уақыт аралығында діндарларға сапалы білім берілуде. Осы оқу ордасында кезекті білімін жетілдіріп, 2 айдай ілім жолында зейінін ашып, білім нәрімен сусындаған Жетісу имамдар кезекті дипломдарын алды.