Қуанса, бала қуансын және біліммен! 

ҚМДБ Жетісу облысының бас имамы Алмас Сағидоллаұлының тапсырмасына сай, өкілдікке қарасты барлық мешітте “Кішкентай мумин” тақырыбында кішкентай балаларға арналған сауат ашу курсы басталды. Жыл соңына дейін жалғасатын игі шарада балалар құран оқып үйреніп, дұғалар жаттап, батырлар жырына сусындап, тарихтың тұңғиығына жол тартады. Балаларға қызықты әрі интеллектуалды сұрақтар мен ойындар да қарастырылған. Өкілдікке қарасты ұстаздар толық жұмылдырылып, болашақтың балғын бөбектерін тәрбиелеу басты міндет екені ескерілуде.