{gallery}1105101502{/gallery}«Жау жағадан алғанда, бөрі етектен» дегендей дініміздің асыл құндылығын дұрыс түсінбей, талдап-талғамай, өзге ағымдардың жетегінде кетіп жатқан жастарымыздың салдарынан діни экстремизмнің өршу қаупі төніп тұр. Осындай сәтте жастарды жат ағымға жібермей, ата-бабамыз ұстанған дәстүрлі дініміз Исламға қайтару діннен хабары бар әрбіріміздің адамдық міндетіміз болып табылады. Сол міндетті жүзеге асыру мақсатында, Қазақстан мұсылмандары діни басқармасының Талдықорған өңірі бойынша өкіл имамы С. Ахмадиевтің бастамасымен өңіріміздегі теріс ағымдардың алдын алып, діни ахуалды тұрақтандыру мақсатында бірқатар жұмыстарды қолға алынғаны белгілі.

Жуырда Жетісу жеріне келген ақпараттық-насихат тобының құрамында елімізге белгілі дін ғалымы Абдуғаппар Сманов, Талдықорған орталық «Иман» мешітінде болғанын айта кету керек. Ғалым ағамыз бесін намазы мен ақшам намазында  мешітке лық толған жамағатқа асыл дініміз Исламның артықшылығы жайында, қазіргі кезде дінімізді іштен іріту мақсатында шетелден небір қолдан жасалған ағымдардың келіп, жастарымыздың санасын улап жатқаны турасында уағыз-насихатын айтты. Жат ағымның жетегінде кетпеу үшін ең әуелі дініміз Исламды жақсы біліп, діни сауаттылықты арттыру керектігін жеткізді.