Қазақстан Мұсылмандары Діни Басқармасының Бас мүфтиі, хазрет Ержан қажы Малғажыұлының бастамасы негізінде Дін мен дәстүр жылына орай Алматы облысы, Алакөл ауданы, Үшарал қаласында , Алакөл ауданының бас имамы Молдахметов Әнет Омарханұлының ұйымдастуымен, 30-сәуір күні Қазақ хандығының 550-жылы, ұлы жеңіске 70-жыл толуы қарсаңында 2001-2002 жылғы жасөспірімдер арасында дзюдодан аудандық турнир болып өтті.Аудандық спорт сарайына жиналған жұрттың қарасы көп болды.Қазақстан Республикасының гимны шырқалған соң алғашқы сөзді алған Аудандық дене шынықтыру және спорт бөлімінің басшысы Сайдильдинов Мақсұт Омарұлы турнирдың ашылу салтанатымен құттықтап,сайысқа келген жасөспірімдерге сәттілік тіледі.Кезекті сөз ауданның бас имамына берілді.Әнет Омарханұлы, Бас мүфти Ержан қажы Малғажыұлының Дін мен дәстүрімізді жаңғырту мақсатында көптеген игілікті іс-шаралар атқарып жатқандығын сондай-ақ еліміздің тыныштығы мен береке бірлігін нығайтуда елеулі еңбектер жасап , болашағымыздың жарқын болуына сүбелі үлес қосуда екенін айтты. Ата-бабамыздың сан ғасырлар бойы ұстанып келе жатқан Ислам дініміз бен салт-дәстүрімізді әрқайсымыз жақсы біліп, қашан да қадір тұтуымыз керек екенін тілге тиек етті.Үшарал қалалық мешітінің имамы Серік Шәріп сайысқа қатысушы жасөспірімдерге бата беріп,жеңіс тіледі.Аудандық балалар мен жасөспірімдер спорт мектебінің директоры Меделханов Дәуітхан мырза турнирге қатысушыларды көк кілемге шақырса, Бас төреші Ақбасов Бағлан күрес шарттарын түсіндіріп,алғашқы жұп белдесуді бастады.Жалпы турнирге аудан бойынша Үшарал,Достық,Жыланды және Бұлақты ауылынан 151 жасөспірім қатысты.Ер балалар 26 мен 60 кг салмақта, қыз балалар 36-40 кг салмақ арасында сайысқа түсті.Жеті сағатқа созылған белдесу өзінің ақтық мәресіне де келіп жетті. Нәтижесінде команда бойынша Достық кенті 3-ші орын, Жыланды ауылы 2-ші, ал Үшарал қаласы 1-ші орынға ие болып, Аудан имамының кубогын жеңіп алды.Ал үздік спортшы болып Болат Қымбат танылды. Жеңімпаздарды марапаттап болған соң Ауданның бас имамы Әнет Омарханұлы спорт ардагері Сарқытбаев Жұмахан Балабатырұлының өз кезегінде талай Алакөл ауданның намысын қорғаған,жауырыны жерге тимеген палуан ретінде құрмет көрсетіп,мойнына алтын медаль тақты.Ардақты спорт ардагері бұндай турнирды ауданда дін қызметкерлері алғаш өткізіп тұрғанын айтып ризалығын білдірді.Турнирге қатысушы жасөспірімдер жігерленіп,рухани азыққа кенеліп,риза болып тарқасты.

Алакөл ауданы.

{gallery}0505-2015{/gallery}