{gallery}1703{/gallery}ҚМДБ-ның Талдықорған өңірінің өкілдігі, Алматы облысы дін істері басқармасы және Панфилов аудандық әкімшіліктің ұйымдастыруымен Панфилов аудандық Мәдениет үйінде «Өнер қырандары» театры «Заман-ай» қойылымын сомдады.
Еліміздегі шоқтығы биік өнер саласындағы танымал театрдың қойылымын тамашалауға Жаркент елінің барлық зиялыларымен қоса, дүйім жұртқа толған мәдениет үйінде ине шаншар орын болмады.
Бәрімізге белгілі болғандай Өнер қырандарының азаматтары өте шеберлікпен бүгінгі замандағы барлық мәселелерді қозғап өтті. Жоғарғы талғаммен қойылған көріністерге жиылған жүрт біресе шаттанан күлсе, біресе көздері еріксіз жасқа толды. Қойылым барысында қуанған халықтың төбесі көкке жетіп, еңселері көтеріліп ерекше сезімге бөленді.
Ерекше айта кетерлік жайт, бүгінгі таңдағы әлемді ойландырған теріс ағымдардың зиянымен зардаптарын жетесіне жеткізіп, халықтың санасына азғантай уақытта сіңдіре білді.
Келешекте халыққа берер тәрбисі мол қойылымды, өңіріміздегі әрбір ауданға арнайы шақыру керектігі жайлы ой түйдік.
Талдықорған өңірі бойынша
баспасөз қызметі
