{gallery}31032016{/gallery}Алакөл аудандық мешітінде 30-наурыз күні берер тағлымы мол семинар болып өтті. Оған  Нұр Мүбарак  Египет  Ислам университетінің оқытушысы, ҚМДБ-ның РАНТ мүшесі Ризабек Батталұлы мен Талдықорған оңірінің өкіл имамы Серікхан қажы Рымханұлы  арнайы шақырылды. Семинар Дін істер басқармасымен бірлесе ұйымдастырылды. Мешітке жиылған қауымның қарасы көп болды. Ақида ілімінің білікті ұстазы Ризабек ұстаз  адамның бұл дүниеге келудегі мақсатымен  рухани құндылығы жайлы жүрек тебірентер насихат айтса, Серікхан Рымханұлы дін мен дәстүрдің қашанда егіз ұғым екенін, ата-бабамыздың  діндар болғаны, осы күнге дейін рухани құндылығымызды жоғалтпай келе жатуымыздың бірден бір себебі-дәстүріміздің сақталуында екенін жеткізді. Семинар соңында ақсақалдар мен жастар осындай игі шаралардың жиі болып тұруына ынта ықластарын білдірді.

Алакөл аудандық мешітінің баспасөз қызметі