Қазақстан мұсылмандары діни басқармасының төрағасы Серікбай қажы Ораз Ақтөбе облысына жасаған сапары барысында Алға ауданында орналасқан "Ақтөбе" медресе-колледжінің шəкірттерімен кездесті.
"Сіздер біздің діни саладағы болашақ имам, ұстаз, азаншы, ғалым, дін қайраткерісіздер. Қазір діни ілім іздеген мұсылманға барлық мүмкіндік жасалған. Өркениет пен прогресс - білім мен даналықта. Пайғамбарымыз Мұхаммед: "Білім мен хикмет - мұсылмандардың жоғалтқан қазынасы. Қай жерден тапса, иемденіп алсын", - деген. Сол білім мен даналыққа лайықты тұлғалар - сіздерсіздер. Əрбір сəттеріңізді оқумен, оны көңілге тоқумен өткізіңіздер", - деді.
