Көршілес қырғыз елінің президенті Алмазбек Атамбаев республика аумағындағы билбордтарға  ұлттық бас киімдегі қырғыз әйелінің суретін ілуді жүктеп отыр. Аталмыш жұмысты қаржыландыруға қатаң тапсырма берген қырғыз басшысы «элечек» деп аталатын бұл бас киімді Қырғызстан символына айналдыруға ниеттеніп отыр.

«Біздің мәдениетіміздің араб пен пәкістандықтардан көп айырмасы бар. Ғасырлар бойы қалыптасқан ұллтық құндылықтарымыз бар. Мен өзім бірнеше мәрте Құранды оқып шықтым. Бізге сіңіргісі келіп жүрген арабтардың мәдениеті туралы онда ештеңе айтылмаған», – дейді Алмазбек Атамбаев. Оның айтуынша, мәдениетті өзгерту киім мен тілді өзгертуден басталатын көрінеді. Сондықтан да ол өзінің ұлттық бас киімді жарнамалайтын кампания жұмысын қолдап отырғанын айтты.