Дініміздің қайнар көзі болып табылатын кітабымыз Құран «ОҚЫ»-әмірімен басталған. Оқып білім алудың өзі ғибадат саналмақ. Оқу мен тоқу біздерді Раббымызға жақындатады. Аллаға ең жақын болғандар да ОҚЫҒАНДАР. Дініміз олардың салып кеткен сара жолымен жүруімізді әмір еткен! БІЛІМ, ҒҰЛАМА, ДАНЫШПАН, ЖАЗУ СЫЗУ….. бұл сөздер біздің үмметіміздің тарихтарында із қалдырған. Біз Білім үшін хижрет еткен, қап-қап кітабын арқалағандардың жалғасымыз. Олардың куәсі бүгінде кітапханаларымыз. Бізге жетпестен ғайып болған қаншама кітаптардың болғандығын білмейміз. Бүгінгі қоғамға көз тастасақ бір сәт, жастарымыз кітаптан түңілген планшет пен сотқаға үнілген заман. Олай болса біздер әуелі өзімізді жөнге салғанымыз жөн болар. Жас жеткіншектерімізге сотқа ойыншық алғандай, кітап алсақ. көшеде планшетті жарнамалағандай жақсы тәрбие алатын кітапты жарнамаласақ тіпті АТА-АНАЛАР балаларына көрген киносын түсіндіргендей, оқыған тоқыған кітабын түсіндірсе. Сонда біздер терең мұхиттын ортасында болып сахарада қалғандай сусап шөлдемеген болар едік!

Тимур Нүсіпханұлы

                                                                                   Дінтанушы