«Умра» араб тілінде аудармада «Зиярат ету» деген мағына береді. Шариғаттағы мағынасы Қағба мешітін белгілі ғибадат мақсатымен зиярат ету дегенді білдіреді. Әр нәрсенің үкімі болғандай Умраның да үкімі бар. Ханафи мазхабында мұсылманның өмірінде бір рет бару бекітілген сүннет. Ум­ра­ның па­рыз­ы екеу: 1. Их­рам­ға кі­ру 2.Қағ­ба­ны тауап жасау. Талха ибн Убайдулла (р.а.) жеткізген хадисінде Алла Елшісі (Алланың игілігімен сәлемі болсын) « Қажылық – жиһад (яғни парыз), умра – нәпіл құлшылық», - дегенін естіген. Умраның уақыты Умраны арафа және одан кейінгі төрт күннен басқа кездің барлығында жасауға болады. Арафа және одан басқа кейінгі төрт күн қажылық күндері болғандықтан, ол уақыттарда умра жасау мәкруһ тахриман болады. Әбу һурайрадан келген хадисте Алла Елшісі (Алланың игілігімен сәлемі болсын) «Қажылық және умра жасаушылар – Аллаға өкілдер (өз елдерінен келген). Егер оған дұға қылса, жауап береді (дұғалары қабыл болады), егер кешірім сұраса, оларды кешіреді», деген. Алла қажылықта дұға жасағандардың дұғасын қабыл еткендей умрадада жасаған дұғаларды қабыл етеді. Әбу һурайрадан келген хадисте Алла Елшісі (Алланың игілігімен сәлемі болсын) « Умра умраға дейінгі аралықтағы (күнәларды) жуады. Ал қабыл болған қажылықтың сауабы – тек қана жәннәт», деген. Умраны Рамазан айында жасаған абзал. Өйткені Алла Елшісі (Алланың игілігімен сәлемі болсын) «Рамазандағы умра қажылыққа тең», - деген.  Ум­раны орындау жолы. Ум­ра ғи­ба­да­тын орын­да­ғы­сы кел­ген адам ми­қат­та их­рам­ға кі­ру үшін дайын­да­лып, екі рә­кат их­рам на­ма­зын оқы­ған­нан кейін «Аллаһым, мен се­нің ри­за­лы­ғың үшін ум­ра жа­сауды ниет ет­тім, ум­ра­ны ма­ған же­ңіл­дет жә­не ме­нен қа­был ал», – деп ниет етіп, ар­ты­нан тәл­бия дұ­ға­сын ай­тып, их­рам­ға кі­ре­ді. Бас­қа уа­қыт­тар­да­ғы ха­лал кей­бір нәр­се­лер их­рам­ды бол­ған уа­қыт­та ха­рам бо­ла­ды. Мәс­жи­дул-Ха­рам­ға кел­ген уа­қыт­та «Аллаһым, мен се­нің ри­за­лы­ғың үшін ум­ра тауа­бын жа­сауды ниет ет­тім, тауап­ты ма­ған же­ңіл­дет жә­не ме­нен қа­был ал», – деп ниет еті­ліп, ум­ра­ның тауабы жа­са­ла­ды. Тауап біт­кен­нен кейін мүм­кін бол­са, Иб­ра­һим ма­қа­мын­да, бол­ма­са ме­шіт­тің кез кел­ген же­рін­де екі рә­кат на­маз оқи­ды. Со­сын «Аллаһым, мен се­нің ри­за­лы­ғың үшін ум­ра са­ғиін жа­сауды ниет ет­тім, са­ғи­ді ма­ған же­ңіл­дет жә­не ме­нен қа­был ал», – деп ниет етіп, Са­фа жә­не Мә­руа тө­бе­ле­рі­нің ара­сын­да төрт рет ба­ру, үш рет қайту бо­лып, же­ті рет ба­рып-ке­лу­мен ум­ра­ның са­ғи мін­де­ті ат­қа­ры­ла­ды. Са­ғи­ді орын­да­ған­нан кейін шаш­та­рын ал­ғы­зып, не­ме­се қыс­қар­тып, их­рам­нан шы­ға­ды. Осы­лайша ум­ра ғи­ба­да­ты аяқ­та­ла­ды. Алла Қажылық пен Умраға баруды баршамызға нәсіп етсін Әмин.

Текелі қаласы «Керімбек би»

мешітінің бас имамы Аман Айтбосынұлы